פרק תהילים יומי – יום ראשון

לַמְנַצֵּחַ מִזְמוֹר לְדָוִד
יַעַנְךָ יְהוָה בְּיוֹם צָרָה יְשַׂגֶּבְךָ שֵׁם אֱלֹהֵי יַעֲקֹב
יִשְׁלַח עֶזְרְךָ מִקֹּדֶשׁ וּמִצִּיּוֹן יִסְעָדֶךָּ
יִזְכֹּר כָּל מִנְחֹתֶךָ וְעוֹלָתְךָ יְדַשְּׁנֶה סֶלָה
יִתֶּן לְךָ כִלְבָבֶךָ וְכָל עֲצָתְךָ יְמַלֵּא
נְרַנְּנָה בִּישׁוּעָתֶךָ וּבְשֵׁם אֱלֹהֵינוּ נִדְגֹּל יְמַלֵּא יְהוָה כָּל מִשְׁאֲלוֹתֶיךָ.
עַתָּה יָדַעְתִּי כִּי הוֹשִׁיעַ יְהוָה מְשִׁיחוֹ יַעֲנֵהוּ מִשְּׁמֵי קָדְשׁוֹ בִּגְבֻרוֹת יֵשַׁע יְמִינוֹ
אֵלֶּה בָרֶכֶב וְאֵלֶּה בַסּוּסִים וַאֲנַחְנוּ בְּשֵׁם יְהוָה אֱלֹהֵינוּ נַזְכִּיר
הֵמָּה כָּרְעוּ וְנָפָלוּ וַאֲנַחְנוּ קַּמְנוּ וַנִּתְעוֹדָד
יְהוָה הוֹשִׁיעָה הַמֶּלֶךְ יַעֲנֵנוּ בְיוֹם קָרְאֵנוּ.

לזכות מיטל בת שפרה – זריקת חסידות בפייסבוק

פרק תהילים יומי – יום שני

תהילים פרק כד
א לְדָוִד, מִזְמוֹר:
לַיהוָה, הָאָרֶץ וּמְלוֹאָהּ; תֵּבֵל, וְיֹשְׁבֵי בָהּ.
ב כִּי-הוּא, עַל-יַמִּים יְסָדָהּ; וְעַל-נְהָרוֹת, יְכוֹנְנֶהָ.
ג מִי-יַעֲלֶה בְהַר-יְהוָה; וּמִי-יָקוּם, בִּמְקוֹם קָדְשׁוֹ.
ד נְקִי כַפַּיִם, וּבַר-לֵבָב:
אֲשֶׁר לֹא-נָשָׂא לַשָּׁוְא נַפְשִׁי; וְלֹא נִשְׁבַּע לְמִרְמָה.
ה יִשָּׂא בְרָכָה, מֵאֵת יְהוָה; וּצְדָקָה, מֵאֱלֹהֵי יִשְׁעוֹ.
ו זֶה, דּוֹר דֹּרְשָׁו; מְבַקְשֵׁי פָנֶיךָ יַעֲקֹב סֶלָה.
ז שְׂאוּ שְׁעָרִים, רָאשֵׁיכֶם, וְהִנָּשְׂאוּ, פִּתְחֵי עוֹלָם;
וְיָבוֹא, מֶלֶךְ הַכָּבוֹד.
ח מִי זֶה, מֶלֶךְ הַכָּבוֹד:
יְהוָה, עִזּוּז וְגִבּוֹר; יְהוָה, גִּבּוֹר מִלְחָמָה.
ט שְׂאוּ שְׁעָרִים, רָאשֵׁיכֶם, וּשְׂאוּ, פִּתְחֵי עוֹלָם;
וְיָבֹא, מֶלֶךְ הַכָּבוֹד.
י מִי הוּא זֶה, מֶלֶךְ הַכָּבוֹד:
יְהוָה צְבָאוֹת– הוּא מֶלֶךְ הַכָּבוֹד סֶלָה.

לזכות מיטל בת שפרה – זריקת חסידות בפייסבוק

פרק תהילים יומי – יום שלישי

אשרי האיש אשר לא הלך
בעצת רשעים ובדרך חטאים לא עמד ובמושב לצים לא ישב
כי אם בתורת יהוה חפצו ובתורתו יהגה יומם ולילה
והיה כעץ שתול על פלגי מים אשר פריו יתן
בעתו ועלהו לא יבול וכל אשר יעשה יצליח
לא כן הרשעים כי אם כמץ אשר תדפנו רוח
על כן לא יקמו רשעים במשפט וחטאים בעדת צדיקים
כי יודע יהוה דרך צדיקים ודרך רשעים תאבד

לזכות מיטל בת שפרה – זריקת חסידות בפייסבוק

פרק תהילים יומי – יום רביעי

תהילים פרק-כג
מזמור לדוד יהוה רעי לא אחסר
בנאות דשא ירביצני על מי מנחות ינהלני
נפשי ישובב ינחני במעגלי צדק למען שמו
גם כי אלך בגיא צלמות לא אירא רע כי
אתה עמדי שבטך ומשענתך המה ינחמנ
תערך לפני שלחן נגד צררי
דשנת בשמן ראשי כוסי רויה
אך טוב וחסד ירדפוני כל ימי
חיי ושבתי בבית יהוה לארך ימים

לזכות מיטל בת שפרה – זריקת חסידות בפייסבוק

פרק תהילים יומי – יום חמישי

תהילים פרק-מג
שפטני אלהים וריבה ריבי מגוי לא חסיד מאיש מרמה ועולה תפלטני
כי אתה אלהי מעוזי למה זנחתני למה קדר אתהלך בלחץ אויב
שלח אורך ואמתך המה ינחוני יביאוני אל הר קדשך ואל משכנותיך
ואבואה אל מזבח אלהים אל אל שמחת גילי ואודך בכנור אלהים אלהי
מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי

לזכות מיטל בת שפרה – זריקת חסידות בפייסבוק

פרק תהילים יומי – יום שישי

למנצח לבני קרח מזמור
כל העמים תקעו כף הריעו לאלהים בקול רנה
כי יהוה עליון נורא מלך גדול על כל הארץ
ידבר עמים תחתינו ולאמים תחת רגלינו
יבחר לנו את נחלתנו את גאון
יעקב אשר אהב סלה
עלה אלהים בתרועה יהוה בקול שופר
זמרו אלהים זמרו זמרו למלכנו זמרו
כי מלך כל הארץ אלהים זמרו משכיל
מלך אלהים על גוים אלהים ישב על כסא קדשו
נדיבי עמים נאספו עם אלהי אברהם
כי לאלהים מגני ארץ מאד נעלה

לזכות מיטל בת שפרה – זריקת חסידות בפייסבוק